Естетска стоматологија

Естетска стоматологијa

Потребата да имаме здрави, бели и убави заби е сосема разбирливо и нормално, зошто насмевката ги покажува нашите емоции, нашата виталност, младост и желбата зa убав и негуван изглед.

Денес со новите методи на работа и современите можности кои ги нуди естетската стоматологија некои недостатоци во обликот, бојата или положбата на забите кои со години ви сметале успешно ги решаваме, добивате насмевка која од секогаш сте ја посакувале.

Императив на естетската стоматологија е подобрување на естетската вредност на насмевката и забите воопшто. Изгледот и состојбата на нашите заби има голема улуга во естетиката на лицето и начинот на кој не доживуваат другите луѓе, што значително влијае на нашата самодоверба.

Во Duo Dent се изведуваат сите зафати од естетската стоматологија со кои на нашите пациенти им овозможуваме природно складен изглед на меките и тврди орални ткива и добивање здрава и блескава насмевка со која ќе изгледаат помладо и поубаво.

Првиот императив на естетската стоматологија – здрави заби, го остваруваме преку грижата за здравјето на забите кај пациентите, односно со санација на забите со помош на ресторативна стоматологија. Другиот императив – убава и блескава насмевка која е украс на секое лице ја остваруваме со помош на белеење на забите, ламинати, забен накит и примена на различни средства за естетика на лицето.

Што треба да се знае пред да се започне со избелување на забите ?

Пред да се започне со постапката на избелување на забите неопходно е да се санираат сите кариозни лезии, да се исчистат меките и тврди забни наслаги и ако има воспалување на непацата да се смири воспалувањето.

Избелување на заби не се препорачува кај малолетни особи, трудници, доилки, кај пациенти кај кои е во тек фиксна ортодонска терапија и кај пациенти со напредната парадонтоза.

Безметални коронки

Со својот изглед и транспарентност совршено ги имитираат природните заби овозможувајќи вашата насмевка да изгледа потполно природно, а притоа да нема негативно влијание на околните ткива. Постапката се состои од: стругање на забите со локална анастезија што е потполно безболно, се зема отпечаток, се праќа во лабораторија и пристапува на компјутерска изработка на коронкте со што се овозможува висока прецизност. Изработуваме привремени коронки во ординацијата како би можеле без проблем да продолжите со секојдневните активности до моментот на цементирање на трајната изработка.

Безметалните коронки се пробуваат за да се увериме дека совршено лежат, одговарат по големина, форма и боја, по што се прави глазирање и индивидуализација во една од најсоврементите лаборатории во земјата. Кога ќе се увериме дека сте задоволни од изработката, следува трајно цементирање. За изработка на безметални коронки користиме исклучително најсовремени и најквалитетни материјали достапни на европскиот пазар.

Забен накит

Ако имате здрави, бели и убаво поставени заби, значи дека убавата насмевка ви е многу важна и добро се грижите за своите заби. Но постои одличен начин да ја истакнете убавината на вашите заби уште повеќе, ако сте спремни за атрактивен моден детал -накит на заби. Забниот накит може да биде залепен на забите или да биде вграден. Кога накитот се лепи забот воопшто не се струга, а кога се вградува се прави мало дупче на предната површина на забот, во кое накитот се поставува и прицврстува. Лепењето и вградувањето се потполно безболни постапки а вашиот накит дискретно ќе заблеска при секоја Ваша насмевка.