Естетска медицина

Хијалуронски филери

Хијалуронската киселина се наоѓа во нашата кожа како нејзин составен дел, која заедно со колагенот ја одржува младолика. Има улога да ја задржува водата и да го спречува исушувањето на кожата. Со текот на годините нивото на хијалуронска киселина опаѓа, кожата станува опуштена, дехидрира и го губи волуменот. Со намалувањето на количината на хијалурон и колаген во кожата, на кожата се забележуваат првите брчки и фини линии, а еластичноста е видно намалена.

Хијалуронските дермални филери помагаат да се врати еластичноста и влажноста на кожата и служат за пополнување на брчките.

Третманот на вбризгување на хијалуронски филери трае кратко, а ефектот е веднаш видлив:

• Ги пополнува брчките и ја намалува нивната видливост
• Ја хидрира кожата
• Ја зголемува еластичноста на кожата
• И дава волумен ка кожата
• Стимулира создавање на колаген во кожата

Ботокс третмани

Ботоксот е прочистен протеин кој се добива од бактеријата Clostridium botulinum. Од почетокот на 70-те години наоѓа примена во разни гранки на медицината, вклучувајќи ги неврологијата и офталмологијата, а во естетската медицина се користи веќе 20 години.

Третманот со ботоксот е неинвазивна, нехируршка интервенција при која се вбризгува индивидуална доза ботокс во одредени мускули на лицето и на тој начин се спречува мускулната активност-контракција, што претставува главна причина за појава на брчки на лицето.

Третманот со ботокс е еден од најефикасните и најпопоуларните естетски третмани за отстранување на брчки на челото, брчки околу очите и во пределот меѓу веѓите. Овој препарат ги релаксира мускулите, спречува нивна контракција при што ја прави кожата мазна и убава. Дејството на препаратот е локализирано само на местата каде е аплициран. Самата апликација е скоро безболна, затоа што препаратот се вбризгува со многу тенки игли.

Ефектот на ботоксот настапува постепено. Првите ефекти се видливи за 2-5 дена, а полниот ефект се постигнува за 10 дена од апликацијата. Резултатите траат 3-6 месеци.Со повторување на третманот пациентот ја губи навиката за муртење, па ефектот на ботоксот се продолжува.

Мерки на претпазливост после апликација на ботокс:

• Држете ја главата исправено 3 часа после третманот
• Избегнувајте фитнес, солариум и сауна 3-4 дена после третманот
• Избегнувајте масажа и козметичко чистење на лицето недела дена после третманот.

Овој третман се препорачува за обликување и затегнување на врат, лице, подигање веѓи, подигање усни агли, за обликување и затегнување на рабовите и аглите на долната вилица, итн.

Оваа метода е препорачлива за двата пола, а препорачаната возраст е меѓу 35-65 години.

После третманот се јавува црвенило може да се јават модрици кои траат неколку дена, но успешно се прикриваат со пудра, а може да се јави и благ оток кој брзо поминува.

Резултатите од третманот се видливи после 3-6 месеци од апликацијата колку што е потребно за создавање на новиот колаген, а ефектите траат од 18-24 месеци а кај некои пациенти и повеќе.