Забни импланти
Забните импланти се титаниумски штрафови кои се вградуваат
во коската и претставуваат замена за коренот на изгубениот
заб.
Титаниумот се користи поради својата биолошка неутралност,
што е многу важно за коскеното ткиво да го прифати
вграденото страно тело. Врз имплантот се поставува
титаниумска надградба која служи како врска меѓу имплантот
и протетскиот надоместок.
Потполно беззабните пациенти често имаат проблем со носење
на тоталните протези. Имплантите во тие случаи можат да
служат за прицврствување на протезата, при што носењето на
долните протези станува пријатно а џвакањето квалитетно.
Без разлика дали се работи за надоместување на еден заб,
повеќе или сите заби , бројот на потребните импланти се
дефинира на првиот преглед.
Ако недостасува еден заб, се вградува еден имплант на тоа
место и се става порцеланска коронка. Ако недостасуваат 2
или 3 заба, стоматологот одлучува дали ќе бидат потребни 2
или 3 импланти. Во случај кога недостасуваат 4 заби во
еден ред, можеби ќе биде потребно да се вградат само 2
импланти кои ќе го носат мостот од 4 елементи и така ќе се
пополни празниот простор.
Многу пациенти сами го одредуваат бројот на имплантите што
треба да се вградат, што претставува голема грешка.
Таквите проценки е најдобро да ги направи стоматолог кој
при стручниот преглед ќе даде најдобро можно решение.